Segheliin. Codicologische, bibliografische en tekstkritische studie en editie

[p. 23]

11.G

	Ende bi haer waren prophetissen drie	366
	Die gingen inder stadt daer sie	367
	Vonden eenen visscher goet	368
	Ende spraken aldus si waren vroet	369
310	Heer goet man in ware dinc	370
	Siet hier dat scoenste vondelinck	371
	Dat ye van wiue gheboren was	372
	Wildijt houden sijt seker das	373
	Gheluc sal altoes met v sijn	374
315	Doe besacht die visscher fijn	375
	Het was soe schone dat hi seide	376
	Die dit kint hier brochte ter stede	377
	Die moet hebben goeden dach	378
	Also langhe alst leuen mach	379
320	So sal ic hem gunstich sijn	380
	Ende houden recht of hi waer mijn	381
	ALdus ontfinc hi dat kint	382
	Ende sijn wijf dit zeere mint	383
	Doe seiden die drie prophetissen	384
325	Vrouwe dit kint moetti bewissen	385
	Want het is edel ende wel gheboren	386
	Dat maect ons cont dat teyken voren	387
	Dat tusschen sijn borste is geprint	388
	Ende after vrouwe so heeft dit kint	389
330	Een teykem schoen ende riael	390
	Dat is een teyken principael	391
	Dattet van groter macht sal sijn	392
	Nu hout hier dit vingherlijn	393
	Ende doetet hem draghen alst is groot	394
335	So sterc soe vrome mans ghenoot	395
	Soe doetet wisen ende leeren	396
	Ende ter scolen hem bekeeren	397
	Doe sprac die vrou wat wort gedaen	398
	Die prophetissen sijn wech gegaen.	399
340	Ende lieten daer dat kint seghelijn	400
		401
	Metten gulden vingherlijn	402