Segheliin. Codicologische, bibliografische en tekstkritische studie en editie

[p. 14]

7.B

200	Si waer lieuer seluer doot bleuen		222
	Want het gaet elcken wiue sonaer		223
	Die vrucht draghen het is waer	200	224
	Dat si se niet en moghen doden		225
	Menighe wiuen hebben in noden		226
205	Ghesin dat si versloeghen		227
	Kiinder die si selue droeghen		228
	Mer dese waren argher dan quaet	205	229
	God kent alder herten staet		230
	Hem en mach niet ontsteken		231
210	Dus ghedaen dinc sal god wreken		232
	Bouen al dat men mesdoet		233
	Braffeluer die vrouwe goet	210	234
			235
	Begonst te comen hare piin		236
	Si toech wech die vrouwe fiin		237
			238
215	Buten der stat in een foreest		239
	Als si van haren kiinde vreest		240
	Dat si in haer lichaem droech	215	241
	Datmen doen mocht ongheuoech		242
	Waer gheboren vander vrouwen		243
220	Om te beteren allen rouwen		244
	Toech si alleen in dat wout		245
	God moet der vrouwen wesen hout		246
	Want si was daer alleen		247
	Haer piin en was niet cleen	220	248
225	Die si doechde ende torment		249
	Menighe beeste liep daer omtrent		250
	Anders en was daer niement behende		251
	Mer god onse heer daer seinde		252
			253
	Drie prophetessen te haren noot	225	254
230	Dat was den kiinde bliisscap groet		255
	Want si ghauen ghiften drie		256
	Die scoenste die ic hoerde nye		257
	Noch nemmermeer mochte siin		258