Segheliin. Codicologische, bibliografische en tekstkritische studie en editie

[p. 5]

2g

	Van boerten ende van sulcken yeesten	39
30	Ende sij lieten van desen keesten	40
	Dese edel auenture achter	41
	Men machse seggen sonder lachter	42
	Voer elck mensch die an god geloeft	43
	Al waer een mensche soe verdoeft	44
35	Van redene dom ofte blent	45
	Soe dat hi worde bekent	46
	Indien dat hi redene verstoede	47
	God die ons cofte met sinen bloede	48
	Die moet mi nu in hulpen staen	49
40	Nu wil ic totter materien gaen	50
	Daer ic of wille maken	51
	Auentuer ende scone saken	52
	Sy is goet om te horen	53
	Wantmen in die kercke roren	54
45	Hoe dat cruyce wert gheuonden	55
	Daer god an sterf doer onse sonden	56
	Men seit dattet helena vant	57
	Dat is waer mer een bigant	58
	Ende was oec mede een degen fijn	59
50	Van iherusalem zeghelijn	60
	Daer ic v of segghen sal	61
	God die heere is bouen al	62
	Laet mi so segghen ende v soe horen	63
	Daer wi die enghelen vanden choren	64
55	Moeten bescouwen na dat lijf	65
	Beyde man ende wijf.	66
	Diet horen sullen ende verstaen	67
	Nu wil ic ter materien gaen	68
		69
	HEt was een coninc hiet prides	70
60	te iherusalem sat hi sijt ghewes	71
	teghen tkersten geloue stuer	72
	Een wijf hadde hi hiet blensefluer	73