Dit is een schoon suverlijck boeckxken, in denwelcken ghy vinden sult veel schoone leysenen, ende gheestelijcke liedekens

[Verlanghen doet mijner herten pijne]

Dit is de wijse: Alst begint.

Verlanghen doet mijner herten pijne
Tot dat ick come al in die hooghste vreught,
Ic en weet gheen beter medecijne,
Dan altijt te dancken op de deugt,
Aylaes, aylaes, etc.
Sal ick noch lange van Godt ghescheyden zijn.

Ic heb een liefken lief vernomen

Al binnen al in der zielen van my,
Sal Godt zijn werck in ons becomen,
so moet natuere verwonnen zijn, Aylaes, etc.

Om Iesum wil ick leven ende sterven,

Hy is mijn troost in aller stont
Ick soude so geerne sijn jonste verwerven
Ic woude dat hy hadde mijne herten gront,
Aylaes, etc.

Mijn hert is so seer bevangen

Hoet tusschen hem ende my mach staen,
Sijn liefde hout my hier bevanghen
met menigen lijde onderdaen
Aylaes, etc.

Maer ic en wils niet becla-

[p. 110]

 

ghen,

 

dat lijden maect die ziel so schoon,

 

Een yegelijc moet zijn cruyce dragen,

 

het is de sleutel van den throon,

 

Aylaes, etc.

 

Int cruyce wil ic my verblijden,

 

want hy die geerne te salven pleegt,

 

die zijn cruys met bitter lijden,

 

al sonder salve gedragen heeft.

 

Aylaes, Aylaes.

 

och Iesus salve die is so soet

 

Maria sy en mach hem werden niet,

 

Die anderen troost van buyten soecken,

 

Die dragen het cruyce al met verdriet,

 

Aylaes, aylaes, etc.

 

Och wouden hem die menschen van zonden keeren,

 

Ende bidden Godt om zijn gratie goet,

 

So souden wy met onse Heere

 

Verblijden in zijn glorie soet,

 

Aylaes, aylaes, etc.

 

Hy sal ons moeten presenteren

 

Als wy voor den rechter staen

 

Ende hy sal ons examineren

 

Van al dat wy hebben misdaen

 

Aylaes, aylaes, etc.

 

Nu laet ons dit in tijts besluyten,

 

Die costelijcke Meester wetet al,

 

Dat int hemelrijcke schuylt,

 

Twelc hy int openbaer condighen sal,

 

Aylaes, aylaes, etc.

 

Hy sal ooc wel hebben onthouwen

 

ons druc, ons lijden in’t getal

 

Als elck van ons in grooter vreucht

 

Zijn Pelgrimagie offeren sal,

 

aylaes, aylaes, aylaes, ay my

 

Sal ick noch lange van God ghescheyden zijn.