Dit is een schoon suverlijck boeckxken, in denwelcken ghy vinden sult veel schoone leysenen, ende gheestelijcke liedekens
(ca. 1625)–Anoniem Schoon suverlijck boeckxken–
Auteursrechtvrijop de wijse: Veni redemtor gentium.Wy willen Christum loven schoon,
Der reyner Maghet Marien Soon,
Soo wijdt de Son haer schijnsel seynt
Dat is tot aller weerelt eynt.
die salige schepper aller ding
Toog aen een knechts lichaem geringh,
End’ heeft door sijn vleesch t’onse verworven
Dat het niet sonde blijven dorven,
Die Godlijcke genaed van hemel groot,
hen in de cuysche moeder goot,
Een maegdeken droeg een heymelijc pant
dat der natuer was onbekant.
Dat deugdelijcke huys eens herte reyn,
wort metter haest Gods tempel pleyn,
die noyt ghenen man en gaf consent,
die wordt van Gods Woort swangher bekent.
| |
[pagina 93]
| |
Die tvelt moeder heeft geboren,
dien Gabriel beloofden te vooren,
die Sint Iohan met springen prees,
In zijns moeders lichaem eer bewees.
Hy lag in hoy met armoede groot,
die harde Crib hem niet en verdroot,
met cleyne spijse wort hy ghevoet,
die dat ghevoghelt van honger behoet.
Dat hemelsche Choor vervreughden seer,
die Enghelen songen in Godes eer,
der armen Herders wort openbaer
Die Herder ende Schepper der Weerelt claer.
Lof, eer en danc zijdy Iesu Christ,
die van eener maeght gebooren bist,
met den Vader en den Heyligen Geest,
altijt maer huyden aldermeest.
|
|