Dit is een schoon suverlijck boeckxken, in denwelcken ghy vinden sult veel schoone leysenen, ende gheestelijcke liedekens

[p. 48]

Dit Liedeken is van den soeten name van onder liever Vrouwen, Maria.

Ende gaet op de wijse: Met vreughden willen wy singhen.

Ghy mannen ende vrouwen,
Die op die weerelt zijt,
wildy u ziel behouwen,
Ende beteren uwen tijt,
wildy den Vyandt mincken
Die ons altijdt volght na
hebt altijdt in u ghedincken
Den Name van Maria.

Maria is so soeten

Ende so wel ghenaemt,
Datse die Enghelen groeten,
Also haer wel betaemt
Het is die Coninginne,
Die Godt sijn bootschap sant,
Vol gratien ende vol minne
Maria is sy ghenaemt.

Des Heylighen Kers-nacht

woude hy ghebooren zijn,
Van haer die op bracht,
Des Hemelschen doctrijn,
Sonder wee oft smerte,
In Maeghdelijcker vreught
Nu loven wy met herte
Maria die suyver jeught.

By des Enghels salute

Datse Iesum ontfingh
Wert die vyandt te buyte,
Van ons die bevingh
Het Landt en Godt die Vader,
Al Marien lijf,
wy dancken alle gader
Marien dat reyne wijf.

[p. 49]

 

Soo mach hy comen aen dat eeuwighe goet

 

Die salighe Seraphin,

 

Altoos sonder verhooren

 

Loven met herten fijn,

 

Die soete suyver name,

 

Die elck met herten dien,

 

Dit Godt wel is bequame,

 

Maria des Menschen vrient.

 

Maria is die vlamme

 

Diet Paradijs verlicht

 

Maria sonder blame,

 

Vol gratien is ghesticht

 

Sy is die tresorie

 

Van gratien, dat is certeyn,

 

Met love willen wy vercieren

 

Maria al ghemeyn.

 

So wie dat in dit leven

 

Maria eere doet,

 

Sy en sal hem niet begheven

 

Al ist dat hy mis doet,

 

Gratie sal hy vercrijghen

 

Als dede Theophilus

 

Hy en wil den lof niet swijghen

 

Marien die Moeder Iesus.

 

Die can Marien eeren

 

En dienen met herten gheheel

 

Sy sal hem inpetreren,

 

Van gratien sulck ghedeel

 

Dat hy niet en sal moghen,

 

Verdoemt zijn na sijner doodt

 

Nu laet ons allen loven

 

Mariam, wy hebbens noodt.

 

Maria draeght die Croone

 

Naest Iesus haer lieve Kint,

 

Sy salt hem waerlijck loonen

 

Diese met herten mint,

 

Nu bidden wy alle ghemeyne,

[p. 50]

 

Mariam die suyver jeught,

 

Dat sy ons verleene

 

Haer gratie ende haer deught,

Amen.