Dit is een schoon suverlijck boeckxken, in denwelcken ghy vinden sult veel schoone leysenen, ende gheestelijcke liedekens

[Een Kindeken is ons ghebooren]

Een Kindeken is ons ghebooren,
In Bethlehem,
Des had' Herodes toren
Dat scheen so wel aen hem.
Drye Coninghen uytvercooren,
Quamen in Jerusalem.
Sy vraeghden waer hy was ghebooren,
Den Coningh der Joden:
Wy saghen in Orienten een sterre staen,
Wy comen om te aenbeden
Dat cleyne kindeken.
Een Kindeken is ons gebooren in bethlehem, etc.

Doe Herodes dat vernam

dat het kint ghebooren was
hy wert toornigh ende gram
Ende hy ontsagh hem dat,
dat hy verliesen soude
Sijn rijck was groot,
hy dachte, hoe hy mochte brenghen
dat Kindeken ter doot.      Een Kindeken.

Hy vraeghde met haestighede,

Waer dat Kint ghebooren was
Te Bethlehem in dye stede
So was dat men daer las,
Daer is hy ghebooren die Heere groot,
Die ons sal verlossen
Van der eeuwigher doodt.      Een Kindeken

Herodes sprack tot den vroeden,

Gaet henen ende soeckt dat Kint
Met also grooten hoeden,
Men seyt hy is Coningh,
Coningh boven alle Coninghen
So is hy [fijn]
Men seyt hy sal besitten,

[p. 10]

 

Dat rijcke mijn.      Een Kindeken.

 

Als ghy dat kint hebt gevonden

 

So keert dan weder tot my

 

In also corter stonden,

 

En segghet my waer dattet sy,

 

Ick soud' so gheerne aenbeden,

 

Dat cleyne Kindekijn,

 

Het heeft so seere doorsneden

 

het herte mijn.      Een Kindeken.

 

Maer als die Coningen quamen

 

Buyten Jerusalem,

 

Met vreughden sy vernamen

 

Een sterre staen voor hen,

 

Al tot dat sy vonden dat Kindekijn

 

In doecxkens ghewonden,

 

By der Moeder zijn.      Een Kindeken

 

Drye Coninghen aenbaden

 

het Kint van derthien daghen out,

 

Sy offerden met weerdigheden,

 

Myrche, Wieroock ende Gout,

 

Dat deden sy daeromme

 

Dat daer scheen groot noot,

 

Sy saghent al om ende omme

 

Van haven bloot      Een Kindeken.

 

Des nachts als sy slapen wouden

 

Quam die Enghel Gods tot hen

 

Dat sy niet keeren en souden,

 

Al door Jerusalem,

 

Maer eenen anderen weghe

 

So sijn sy ghekeert,

 

Al in haer Coninghrijcke,

 

Als men ons leert.      Een Kindeken.

 

Nu bidden wy desen kinde

 

Dat Jesus is ghenaemt

 

Dat hy ons wil bringhen

 

Hier boven in dat soete Lant,

 

Daer hem de Enghelen eeren tot aller tijdt

[p. 11]

 

Dat gunne ons Godt, die Heere,

 

Der Heeren ghebenedijt.