De Saksenspiegel in Nederland

Van den de sijn recht verloren heft vor gherichte in ener stede LXXII. (III 82.)

Wie sijn recht verliest voir gherichte in eenre stede die heeftet over al die werelt verloren ¹), indien dat men des tuuch heb aen den gherichte. ²) Des gherichtes tuuch en is ooc gheen man sculdich te brenghen in een ander gherichte, mer die richter daer een man rechteloes voor gheleit ³) is, die sal twee boden seinden voor den anderen rechter ⁴), daer die man sijn recht verloren heeft, datse dat weten ende verstaen ⁵) of men hem daer mede vertughen moghe. Ende die boden sullen dan een tuuch wesen ⁶).