De Saksenspiegel in Nederland

[p. 154]

tekstkritische noten

1) onechte beseecht van borthen offte van ammechtes wegen. Gr. 2. eder van ampte. L. secht van borthe oft van amechtes weghene. G.
2) hebbe vor gherichte mit deefte oft mit rove. G.
3) en doer syn hantghemael bewisen noch syn veer aven benomen. G.
4) ende die moet he wael to synen hantgemael theen myt synen eden. Gr. 2.
5) en darf syn hantgemael wysen noch synre vyer anen benomen he en spreke synen genoten kempeliken an. De man moet syck wal to synen hantgemael theen myt synen eede al ne hebbe he ys under eme nycht. L.
6) twe man een erve. G. twe manne een erve nemen. Gr. 2.
7) ioncste kesen. G. so sal die oldeste delen ende die junxgeste sal keysen. Gr. 2.

We den anderen onecht secht wo he dat betughen sal. XXVII. (III. 28.)

So wie den anderen onecht seit ¹) van gheboorten of van ammechtes weghen, die moet dat betughen self sevende goeder mannen die an horen rechten volcomen sijn, doch so moet een man sijn echte ende sijn rechte bet behouden self derde, dan men hem daer of tughen mach. Spreect men ooc dat hi sijn recht verloren heb mit dieft of met roven voer gherichte ²), so sal die rechter dat tughen self sevende.

So waer een man echte gheboren is of niet, dat en moet gheen man vraghen dattet onrecht si, dan die maghen an beide siden, indien datse aldaer sijn.