De Saksenspiegel in Nederland

[p. 114]

tekstkritische noten

1) Van der besittinge eens guedes jaer ende dach. Gr. 2.
2) Welck man een gued in den were hefft sunder rechte ansprake de hefft daer an. G.
3) hi en wynnet daer doch nummer ghene rechte were noch besittinge an. Gr. 2.
4) claghe. Gr. 2.
5) woe lange hie yt dair bynnen holdet myt gewalt nummermer wynnet he daer rechte were an dewyle men de rechte clage ertugen mach. L.
6) he en wynnet dar doch nummer gheen rechte claghe betughen mach. We ock een gud inder were hefft. G.
7) des en doer. G.
8) wt nympt yst dat hem daerna mit rechte off ghewonnen wort ende alzo lenghe. G.
9) add. Wye syck an leene eder lyffgedinge syner moder off nychtelyn egen toesecht he moet de egentlicke gewere myt des scepenbaren vryen betugen eder em wort brake dairin. L.
10) We van den gerichte vlucht als he beclaget wort. Gr. 2.
11) sculdiget an syne antworde. L.
12) dynckvluchtich. L.
13) lecht. G. Gr. 2.
14) umme ungerichte men sal eme to hant vervesten. L.

Van den de een guet in der were heft iaer ende dach ¹). XLII. (II. 44.)

Wat man een goet inder were heeft jaer ende dach sonder rechter wedersprake, die heeft daeran ²) een rechte were. Die wile dat men ooc een goet onder enen man beclaghet, al hoe langhe dat hi dat daer en boven mit onrecht ende mit ghewelt houdt, hi en wint daer nummer rechte were noch besittinghe aen ³), die wile dat men die rechte were ⁴) betughen mach ⁵). Wie ooc een goet inder were hevet ⁶), dat hem aen ghestorven is of dat hem ghegheven of gheleent is, ende dat niement ghenomen en heeft, des en derf ⁷) hi niement weder gheven, so wat hi daer wt neemt, indien dat hem dat goet daerna mit recht of ghewonnen wort, also langhe ⁸) als hi gheens rechts daer of gheweygert en heeft ⁹).

Een goet heeft een man in der were wanneer hi dat besit. Besittinghe is twieerleye ende is lijflic of hi op enen goede sta of in der hant hebbe, die ander besittinghe is inden moede of in den sinne.