Wo hem een man mit kampe weren mach 1). LXI. (I. 48 § 3.)
Mit kempen mach hem een lam man weren ende mit kempen en mach oec een onsculdich man in den rechten niet bereiden of verspreken 2).
Dese articulen die van kempen spreken en sijn nerghent meer nutte toe, want waer men hier te voren kempen op legghen mochte, den mach men nu verwinnen met seven manne te tughen die sake, daer een man voir anghesproken wort. Doch so is een ondersceit tusschen den ghenen die kempen op enen anderen legghen wil ende den ghenen die selve vechten wil, ende also en mach men om alle sake doch niet vechten dat men daerom lijf ende goet vervechten mach.
Auteursrecht onbekend