De Saksenspiegel in Nederland

[Getuigenbewijs over eigen, recht, lijf en leven, over zoen en oirvede.] XV. (I. 8.)

Waer men eygen gyfft oder settet eder eynen man vertugen wyl an syn recht off an synen hals off an synen gesuende,

[p. 12]

dat de man voir gerichte gelavet hevet eder eme verdelet is, des moet die rechter selff sevende soedaner lude de eme der ordele to vynden moghen getuch syn. Unde des vroneboden getuch steet voer twe tughe off men des bedarff daer men myt sevenen mannen tughen sal. Syne boete is oek twyvoldich ende syn wergelt na syner boert, synt der tyt dat hee to vronenboden gekoren is. Soene aver unde oervede de een man voer gerichte doet, die betuget men myt den richtere unde myt twen mannen. Schuit yt oeck ane gerichte soe moet hee yt tughen myt seven mannen denghenen den hee de soene eder oervede gedaen hevet.