De Saksenspiegel in Nederland

Van denselven. CCCXLIIII. (78 § 2.)

Recht worde lichte besceyden, ne waer der so vele niet ⁶), die onrecht iaghen ende onrecht doen dor hore vromen ⁷), ende dat si dan segghen voer recht. Dede ment hem, et dochte hem onrecht, want ten is nieman so ongherecht, ten doncke hem onbillic of men hem onrecht doe. Daer omme behoeft men menichfoude reden, eer men dien luden an cunde des ghebringhen mach ⁸), waer an men onrecht doe, ende eer men se lere hoe si mit rechte onrecht verlegghen ⁹) ende weder an rechte brenghen. So wie tot allen dinghen gheerne recht spreket, die wint daer mede menighen onwillighen man, des sal die vrome man ghetroesten hem dor god ende dor syn ere. ¹⁰) Dit boec wint oec menighen viant. Ende alle die weder

[p. 191]

tekstkritische noten

gode ende weder recht streven, die werden desen boeke gram, want hem is leet dat recht ummermeer gheopenbaert wert, want hore onrecht daervan scynbaer weert. ¹) Amen. ²)

1) in C. volgt hier nog: oec vraecht men wie hoech dat lant diet wint ende houtet mitter hant.
2) dit woord noch in C. noch in O. In O. als onderschrift: Et sic est finis sit laus et gloria trinis.