De Saksenspiegel in Nederland

Van borchrechte. CCCXXXIII. (72 § 3.)

Of een here sinen borgheren dedinghet⁹) te borchrechte om dese scout, hi selve of syn bode sal hem cundighen dat de-

[p. 185]

tekstkritische noten

dinghe hem selven ¹) of an syn hof, daert twee sine borghere²) horen. So sal hi hem volgen mit borchrechte³) sonder besceidenen hof, als tleenrecht hiervoer leret. Verdeelt oec die here sinen borghere syn borchleen ⁴), dat sal hi binnen ses weken wt tien⁵), of men verdeelt hem alle aensprake daer an. Is een borghere mit ghesinde van der borch ⁶) ghevaren, ende biet hem die here weder op te varene, ende wert hem selve dat ghecundighet of in sinen hof, daert twee sine borghere anhoren ⁷), ne varet hi binnen ses weken niet weder op, men verdeelt hem syn borchleen, ten beneme hem rechte noet. ⁸) Coemt oec die borghere op die borch binnen ses weken⁹) ende blyft hi daer enen nacht op, men ne mach hem niet verdelen syn borchleen. Rechtleen ende borchleen mach een man mit eenre leninghe ontfaen, des hi beyder leninghe sonderlinghe tuuch hebbe.

1) den dach condighen an hem selven C. cundigen dat ding O.
2) synre borchmannen C.
3) mit leenrechte O.
4) verdeelt die here syn borchsate sijn borchleen C.
5) ses weken wtrecken C.
6) daer off gevaren O. mit syn gesinne of ghevaren C.
7) twe synre borchghenoten horen C.
8) het neme hem rechte noet C. ten beneemen rechte noet O.
9) comt oic die borgere binnen ses weken op die borch O. coemt oec die borchsate C.
10) mit gewalt to braken O. mit gewout ghenomen of ghebroken of laetse die heer vervallen C.
11) daer die borghere O. daer die borchsate C.
12) weder ghemaket is mit muren ende mit plancken C. went die borch weder worde gebouwet mit muren off mit plancken O.
13) mit eenre poerten besluten mach C.
14) gheen borch weder tymmeren die C. geen borch weder bouwen O.