De Saksenspiegel in Nederland

Van denselven ende ander dinc. CCCXXIX. (71 § 14.)

Verliet een borghere syn borchleen⁷) enen anderen manne te lene, hine cant hem mit leenrechte niet ghebreken ⁸), der volghe dervet hi oec daeran, ten come also alse hier vore gheredent

[p. 183]

tekstkritische noten

is. ¹) Die man volghet borchleen ende ervet daermede sinen sone, alsi beide borch ende borchleen eyghen des heren diet hem gheliet hevet of hore ander.²) Van des rikes goede mach men wel borchleen lien, alsi die borch eyghen. Van borchleen is hi niet sculdich te dienen hofvaert noch heervaert, maer op die borch sal hi woenen, ende sal die helpen weren of sys bederf, ende sal sinen here ordel vinden te borchrechte. ³) Borch recht ne mach die here nergent hebben dan op sinen borghen.⁴) Ordel vinden ende tuuch wesen ne moet oec nieman hine hebbe borchleen van dien here. Oec ne mach nieman van borchleen ordel vinden noch tuuch wesen over dien die recht leen hevet, noch dieghene over desen. Van yeweliken anderen lene sonder borchleen moet een man ordel vinden over den anderen ende ghetughe wesen, die an dien heerscilde volcomen is, sonder op den vorsten vaen leen ⁵) Die vorste mach oec wel ordel vinden ende ghetuuch wesen over yeweliken man des rikes, dat sijn vaen leen, daer hi vorste van wesen wil, nieman voer hem ontfaen sal.⁶) Soe wanneert een ander voer hem ontfaet diet hem liet, sone is hi die vorderste niet an der leninghe ⁷), daeromme ne mach hi van dien lene ne gheen vorste wesen.

1) het een come als hier voer gheseyt C.
2) al is borch ende borchleen des heren eyghen diet hem gheleent heeft C.
3) ende hy sal syn heer oerdel wysen te leenrecht C.
4) borchrecht een mach die heer oec niet doen dan op die borch die syn is C.
5) daer een moet oec niemant oerdel wysen noch tuych wesen van borchleen over die man die recht leen heeft noch die gheen over hem die borchleen heeft van alle ander leen dan van borchleen soe moet een man wel oerdel wysen ende tuych wesen over den ander des hy an den heerscilt volcomen is sonder op vorsten vanen leen C. getuge wesen die an den heerscilde geboren is sonder op den vorsten vaenleen O.
6) die vorste mach oec wel oerdel wijsen ende tuych wesen over elken des rikes man sijn vanenleen, daer hy vorste of wesen wil dat een mach nyemant voer hem ontfaen C.
7) die eerste an die lenynghe niet C.
8) gheen leye tot enen heer hebben C.
9) moet elc man die an den heerschilt volcomen is ende van synen heer beleent is, wel oerdel wysen ende tuych wesen C.