De Saksenspiegel in Nederland

Van ordel te scelden. CCCXV. (69 § 8.)

Wert een ordel bescoudet om leen dat des heren is, men sal daermede opt leste voer dat rike tien ⁸), want die coninc te rechter ghecoren is over yewelikes mannes hals ende over eyghen ende over leen. ⁹) Daeromme hevet al lantrecht ende leenrecht beghin an hem, want die heerscilt an hem beghint. ¹⁰) Dat selve dienst is oec die man sculdich van sinen eyghene dien here te doene, of hi leen van hem hevet¹¹), dat is hi hem sculdich te doene van des rikes goede. Ne sal die man voer

[p. 176]

tekstkritische noten

den coninghe leen an eyghene niet besceyden, sone moesten ne gheen ordel vinden die mit eyghene beleent is of die des rikes goet te lene hevet, noch die ghene over desen. ¹)

1) soe en moesten en geen ordel vinden die mit eigen beleent is off die ryckes guet te leen heefft noch die gene over desen O. Soe een mocht die man die des rykes goede hadde niet wysen over den man die an eyghen beleent waer noch die gheen over des rykes man C.
2) wart een oerdel bescheyden om eens mans saeck die te leenrecht ghedaecht is C.
3) van welken overheer dat meere deel syns goedes hevet daer voer sel men dat bescouden oerdel bescheyden C.
4) wartet oec ghelet van den ghebonden daghen dattet oerdel niet bescheyden mach warden C.
5) nae der volbort ende en volcompt hys niet mit recht O. na dier volboert ende volcoemt hy niet mit recht C.
6) die dat oerdel wysde ende hem allen diet ghelovet hebben C.
7) want ten is gheen recht dat men om een saeck enen man meer dan eens beteren sal C. want dat en is geen recht dat men enen man omme een sake twewerff off drieweerff betere O.
8) an enen man den vrede breket die sel om die saeck twyiewerff wedden een den ghesteliken staet ende een den waerliken gherecht C.