De Saksenspiegel in Nederland

Van te tughen in leenrecht. CCXCIX. (65 § 19.)

Die here moet wel vraghen hoe menighen synre manne hi

[p. 167]

tekstkritische noten

wil, dat sinen tuuch volbringhen. ¹) So wanneer die here ghetuuch hevet aldus syn drie dedinghe ²) so vraghe hi dan watter rechtes omme si, dat die besculdichde man ³) niet vore ghecomen ne is. So vint men te rechte ⁴), dat men hem syn goet verdelen sal dat hi van dien here hevet. So vraghe hi dan weder, hyt selve ⁵) sal doen of een syn man. ⁶) So vint ment te rechte, dattet sel doen een syn man, die aldus spreken ⁷): also minen here te leenrechte ghevonden ende ghevolghet is ⁸), also verdele ic N. so ghedane goet alse hi van minen here ont hier toe ghehat hevet. ⁹) So vraghe die here dan, wat hi mit dien goede doen sal dat sinen mannen verdeelt is. So vint men te rechte ¹⁰), dat hys hem selven onderwinden sal ¹¹) of een syn bode, daer twee sine manne te antworden syn ¹²), ende salt houden sonder noot ende sonder ghelt iaer ende dach. Ne tietet die man daer binnen niet wt, alse die iaertale vergheit men verdeelt hem al aensprake aen den goede. ¹³)

1) enen heer moet men wael vraghen woe meninghe sinre manne hi wille dat sinen tuuch volbrengen O. die heer moet wel vraghen sijne mannen om syn twch te volbrenghen hoe menich synre mannen dat hi wil C.
2) aldus dree synre daghedinghen ghetuychet hevet soe vraghe hi C.
3) dat die versculdighe man O. dat die besculdighe man C.
4) soe wyst men te recht C. soe vint men voer recht O.
5) hi dan wer hyt selve O. soe vraghe hi of hyt selve C.
6) een van sinen mannen soe wyst men dattet een synre mannen doen sel C.
7) die sal aldus spreken O. die sel segghen aldus C.
8) alsoe myn heer te recht ghewyset is alsoe C. also minen here to onrechte gevonden ende gevolget is O.
9) also vredelick etc. also gedane guet als hi van minen here ont hier to gehat het O. alsoe ghedaen goet als hy tot desen daghe toe van mynen heer ghehadt heeft C.
10) soe wyst men te recht C.
11) dat hi is on selven onderwinden sal O.
12) daert twe synre mannen hoeren ende teghenwoerdich syn C.
13) ende trecket die man daer bynnen syn goet niet uyt als dat iaertale overgaet men verdeylt hem C. als die iaertale vergaet men verdeelt on O.
14) tot elker stat daert leyt sonderlinghe C.
15) die in enen burch of in een hof horen C.