De Saksenspiegel in Nederland

Van gherecht te leen te ontfaen. CCLXXXVI. (61.)

Leen an gherichte ne moet niet hebben pape noch wyf noch rechteloes man. Ten moet oec nieman rechten ³) eer hyt gherechte ontfanghen hebbe. So wanneer hyt oec eens ontfaet, sterft sijn here of latet sijn here op, hi moet wel rechten ⁴) binnen synre iaertale dat hyt gherechte ontfaen sal. Nieman ne mach sinen here goet mitter were ontvoeren, des man hi is ⁵), of hyt hem te lene seghet, want hem sijn here an sijn goet in sine were bevolen hevet. ⁶) Liet hem oec sijn here goet des hi hem sint niet ne becant ⁷), dat moet hi ghetughen als die ghene die der were dervet, mit dien diet saghen ende hoerden, ende ne mach dien goede niet volghen an enen anderen here noch erven an sinen sone binnen amichte. ⁸)