De Saksenspiegel in Nederland

Van verlininghe. CCLXXXI. (57.)

Liet een here wive of manne dedinghe an enes mannes goede ⁶), sterft dieghene daerna diet an gheweren hevet, die were des goedes versterft op dien diet ghedinghe gheliet is. Eer wast sijn leen onder den ghedinghe ende onder dien bestede of die sonder leenerfname storve ⁷) diet in gheweren hadde; doe hi sterf, doe wast sijn leen sonder dedinge of hijs den heren innere, of hijs niet ne becant, binnen sijnre rechter iaertale mit ⁸) tween mannen sijnre tughe, die die leninge saghen ende hoerden, doe hyt hem sonder ghewere liede. So wanneer hi stervet sonder leen erfname diet goet in gheweren hevet, die here moets hem wel onderwinden, of hijs hem niet ne versinnet dat hi tghedinghe daer an denghenen gheliet hebbe. ⁹) Onderwint oec hem dieghene dien een waerdinghe of een

[p. 157]

tekstkritische noten

ghedinghe ¹) daeran gheliet is eer dan die here, hine misdoet niet, dest hi te hant voersta ende sijn leen daeran beredene ²) ieghen sinen here. So wanneer hine daeromme sculdighet of hem daeromme dedinghet, ne gheenre iaertale ne sel hi daer mede bieden ³), want also hi sine iaertale mit sinnene langhet also cort se hem die here, of hi hem recht daervan biet.

1) den een werdinge off een gedinge O. die ghene dat goet diet ghedinghe gheleent is C.
2) bewiset jeghen synen heer C.
3) of die heer hem daer om dedinghet ende hem daerom besculdighet die man een sal geen iaertale daermede beyden C. daerom dedinget en geenre iaertale sal hi daer mede biden O.
4) den heer syn leninghe inweren sal O. ende hy den heer synre leninghe ierst ymmer sal C.
5) ende als hy daer an bewiset wart soe hevet hy rechte volghe daer an wast oec opghelaten bi desgheens live diet in ghewere hadden C.
6) ende was hy daer an ghewyset ende had hyt ontfanghen dat gheleent wart, soe C.
7) soe is alle gedinghe to braken dat dle ierste heer O.
8) die wile ist binnen oren jaren syn ende aenvalle daer mede offt om selve ierst geliet is O. ende anevalle daer mede oft hem selven te voren gheleent is C.
9) of die heer stervet diet gheleent hevet C.