De Saksenspiegel in Nederland

Van alrehande leen. CCLXXX. (56 § 3.)

So wie meer leninghe seghet an goede dat men manlike liet, alse hier voer gheseghet is ¹¹), die seghet onrecht, et si

[p. 156]

tekstkritische noten

man of here. Laet oec die vrouwe hore goet op of werdet hore mit leenrechte verdeelt ¹), die ghene ne hevet daer niet an diet mit hore ontfinc. Laet hyt oec of werdet hem verdeelt mit leenrechte, sine verlieset ²) daermede niet dor dat si inder weren sit, Leen ne mach hi oec daer niet hebben an weder der vrouwen wille, sonder dat hem verliet an coemt ende dat hem mit leenrechte anghedwonghen wert. ³) Ghedinghe daeran ende ledich goet mach hi wel verlien mitter vrouwen wille, ende so wat daer ledich an wert ⁴), dor dat si beide volrecht an den goede hebben mit samender hant ontfanghen ⁵), hi hevet die leninghe ende den heerscilt ende si hevet dieselve leninghe eode die ghewere.

1) laet oec dat wyf hoer goet op of wortet hoer mit leenrechte ontwiset C.
2) laet hyt op of wortet hem mit leenrecht ontwiset hi een verlieset C.
3) leenrecht een mach die heer niet an hebben yeghen der vrouwen wille sonder dat hem voer leenrecht aencoemt ende daer hy mit leenrecht toe bedwonghen wart C. leen en mach hi oec daer niet hebben aen weder der vrouwen wille sonder dat on verliet aen compt ende dat on mit leenrechte aengedwongen wort O.
4) ghedinghe mach die heer wel an verlenen ende soe wat daer ledich an wart mit dier vrouwen wille C.
5) dor dat si beide volicht aen den gude hebbe mit samender hant ontfangen O. doer dat sy beyde volrecht an die goeden hebben moghen of syt mit samender hant ontfanghen C.
6) een heer ghedinghe an eens mans goede dat sy wyf of manne C.
7) eerst wast zyn leen an ghedinghe mit sulc recht of diegheen sonder leenerve sterft diet C.
8) ende na des soe ist syn len sonder ghedinghe des hyt synen heer onderwyset binnen syne iaertale of hys niet bekennen een wil hy betughet mit C.
9) dat hy dat ghedinghe heeft geleent C.