De Saksenspiegel in Nederland

Van leengoede te versetten. CCLXXV. (55.)

Wert enen goet beliet ⁸) op sine trouwe, dat hyt weder oplate tot besceidenre tijt, so wanneer sijn here losene, dat goet mach die here losenen of hi wil ende maghet laten. ⁹) Sterft oec die man sonder leen erfname, dat goet wert den here ledich ende die here ne is niet sculdich te ghevene des ghenes erfnamen die lossinghe des goedes. Dient tgoet aldus ghelenet wert op sine trouwe, wil hi sine trouwe breken ende missaken, dat hijs yet laten sulle ¹⁰), daer mach hi wale sijn onscout

[p. 154]

tekstkritische noten

voer doen, men ne moghe hem des vertughen ¹) dat hijt binnen leenrecht ghelovet hebbe.

1) men moghe on des voertugen dat hyt O. men moghe hem dat vertughen dat hyt C.
2) alle sculdinghe die binnen leenrechte inde aen gewedde gesciet mach die getuuchen op den man O. alle besculdinghe die binnen leenrecht an ghewedde gheschiet die mach die heer op syn man ghetughen C.
3) die heer betughen C.
4) ende die een dorvent die heer niet laten losenen C. ende dervent niet oplaten den heer op loessinghe si hebbent seeleff geloefft O.
5) te leisten syns heren ghelofte noch die soen des vaders ghelofte inder losinghe sine hebbent selve ghelovet C.
6) die heer mach oec een goet versetten C.
7) of hyt hem laten wil of niet wilt hem die heer breken C.
8) vor gericht geseget hebbe O. voer rechte verset heeft C.
9) ende soe wat die heer den man leent dat staet op des mans trouwe weder hyt na syn ghelofte laten wil of niet C.
10) dien aldus goet gheleent wort hi een is niet plichtich syns heren soen dat goet opte laten tot lossinghe noch nyemant an diet coemt na synre doet C.