De Saksenspiegel in Nederland

[p. 153]

tekstkritische noten

1) enen anderen ende syn gewere is mit O. enen anderen ende is syn ghewere mit tonghen ende mit vinghere C.
2) daerom sal die ghene des heren leen gewere niet derven dat on syn gewere mit leenrecht verdeilt inde gebroken hebbe O. daerom sal die gheen des eren leensghewere niet derven daer hem syns gheweres van sinen heer met recht niet af en is ghewonnen want die heer een mach niemant goet lenen ende hem des ghewaren C.
3) synen schilt laghet met manscappen C.
4) of hy salse bewysen an hoers heren genoet C.
5) van enen lagheren heer ontfaet C.
6) niet nederghelaghet of hy syns genoets man wort C. niet genedert off hi syns genoets man verwert ende saen O.
7) om enighe doetslach als die manscap niet gheerft en wart C. doer doetsclach des die manscap niet geervet en werde O.
8) wert een man guet geliet O. wort een man goet gheleent op ghelove dat C.
9) soe wanneert syn heer loessen off hi wille ende mach et laten O. alst sinen heer losene dat goet mach die heer losenen of hi wil ende machtet laten C.
10) dat hys iet late sole O. ende versakens dat hy yet laten sal C.

Van goede te verlien enen onrechten man. CCLXXIIII. (53.)

Liet die here sines mannes goet enen anderen of sijn ghewere ¹) is mit vingheren ende mit tonghen, daer omme ne sal die ghene des heren lenes ghewere niet derven, dat hem sine were mit leenrechte verdeelt ende ghebroken hebbe. ²) Die here ne mach niemanne goet lien ende des ghewaren hem, hine hebbet selve in gheweren. So wanneer die here sinen scilt mit manscap nederet ³), al synre manne leen hevet hi verloren dat sijn eyghen niet en is, ende die manne sullen hore goet van den overen here ontfanghen of hi salse wisen an hores heren ghenoot. ⁴) Dat selve doe die man of die here sijn goet nederet ende van enen anderen here ontfaet ⁵) dan hi eer hadde. Doch ne is des mannes scilt daermede niet ghenederet ⁶) of hi syns ghenotes man ende saen van hem goet ontfaet dor dootslach des die man niet gheervet en werde. ⁷)