De Saksenspiegel in Nederland

Van beleenden ioncfrouwen. CCLV. (34.)

Beleent wyf ende maghet ne syn niet sculdich des rikes heervaert te varen, mer herstuere⁹) sellen si gheven na ghesetten rechte, warens sellen si ledich syn binnen leenrechte.¹⁰) Of die here verlenet kynderen hores vader goet bi hores vader live¹¹), ende et die vader allene hevet in sinen gheweren bat an sinen doot¹²), na des vader dode comen die kynder totten here ende bidden hem, dat hi hem bekenne so ghedanes goede also hi

[p. 144]

tekstkritische noten

hem gheliet hevet, des sellen si gheren binnen hoerre iaertale.¹) Ne becant hem die here des goedes niet, so ghebiedent syt mit ghetughe te behouden.²) Dien tuuch mach doch die here verlegghen, so hi der were dervet.³) So ist den kynderen goet dat si volghen hores vader goede, manscap te biedene horen here, want si sonder gheweren ne gheen leen daer an bereden ne moghen, tensi dats hem die here wil bekennen. ⁴)

1) dat sellen sy gaerne binnen horen iaertale C. des solen sy geren binnen oeren iaertale O.
2) sy biedent mit tughe te houden C. so bieden syt mit ghetughe te behaldene O.
3) want sy die ghewere derven C.
4) mit manscap te bieden horen heer want sy sonder gheweren geen manscap an bewysen moghen of bereden die heer wilt hem bekennen C.
5) goet op mit bescheyde als dat hyt enen anderen C.
6) hy een heeft daer gheen recht toe C.
7) ander weiden ontfaet A. ende et ander weide ontfaet O. Soe wie oec syn eerfleen oplaet ende dat anderwerve ontfaet erfleen en hevet hy daer niet an C.
8) hi en volcome des rechts niet dat hi on daer an seget O. hy een volcome syns rechtes dat hy hem vermeten hevet C.