De Saksenspiegel in Nederland

Van goede te belenen. CCLIIII. (32 § 4.)

Of meer lude dan een mit enen goede beleent syn, ende syn si onbesceiden daer an, hore ne gheen ne mach volghen²) an een anderen here of hore here sterft, dan een enich man.³) So wat een here van moetwillen liet sinen mannen, des hi hem niet ghewaren en mach⁴), des sal hi hem scaden ⁵) des hem die man binnen synre iaertyt niet ne verzume, hine onderwinde hem des goedes dat hem gheliet is. Ende oft hem yement neemt, dat hi dan binnen synre rechten tyt mit rechter claghe vervolghet, of hi des niet ne doet sone verscadet hem die here des goedes niet. ⁶) So wanneer oec die here mit leenrechte ghedwongen wert, dat hi goet lien moet, wert hem dat ghebroken⁷) dat hi sines mannes an dien goede niet wesen ne mach, des ne derf hi sinen manne niet wederstaen. ⁸)