De Saksenspiegel in Nederland

Van des sones lene. CCXXXIII. (20.)

So wanneer die sone na des vader dode levet also langhe dat men sine stemme horen mach in vier enden des huses⁵) so is hi beervet mit sines vader lene ende hevet et gheverret allen dien diet ghedinghe daer an hadden.⁶) Die sone die sterft eer die vader⁷) diene is ne gheen leenerfname, want hi mit ne ghenen lene beerft ne is. Daeromme ne breket hi niemanne syn ghedinghe an des vader lene. So welken manne men syn goet verdeelt of oplaet, was hem enich dinghete gheleghen ⁸) des sal hi derven mit samenden goede. So waer die sone den vader niet evenbordich en is, die manne moghen weygheren hore goet van hem tontfane⁹) al lenet die sone na des vader dode hine veerret nieman ne gheen ghedinghe al verleghene men goedes sines vaders. ¹⁰)