De Saksenspiegel in Nederland

Van leen te verlien den man. CCXVIII. (7.)

So welc here een goet liet sinen manne, so waert hem eerst ledich werde²), et si luttel of vele, ende enen anderen liet een toenoemet ghedinghe ³), mitten eerren lene ne mach die ghene desen syn benoemde ghedinge niet ghebreken ⁴), so wanneer hi sterft diet in gheweren hevet, wanttet dien here niet ledich ne wert ten si of ment ghedinghe tot eenre vluchtsale lie binnen des gheens siecbedde diet in ghewere hevet.⁵) So welc here liet goed enen sinen manne, daer mede ne is hem die were niet gheverret ieghen sinen heren, of hem die here des goedes niet ne becant⁶), so doch syn man van sinent halven dat goet in gheweren hevet.