De Saksenspiegel in Nederland

Van ordel te vinden an leen. CCXIIII. (4 § 2.)

Die man sel oec sinen here dienen daermede, dat hi hem ordel vint te leenrechte voer middaghe ende buten ghebon-

[p. 122]

tekstkritische noten

denen daghen ende buten vrydaghen. ¹) So wat oec voer middaghe ende buten ghebondenen daghen begrepen wert mit ordelen, dat moet men wel enden na middage ende in gebondenen daghen ende in vrydaghen.²) Wie so een peert of des syns yet sinen heren ghelenet hevet oft an sinen dienste verloren heeft dat hem onvergouden is, die wile ne is hi niet sculdich sinen heren te dienene noch leenrechts te pleghene. Weyghert oec die here sinen manne rechtes so wanneer hi van hem beclaghet wert voer sinen mannen, die wile ne is hi hem niet sculdich te dienen noch leenrechts te pleghene. ³)

1) dat hy ordel wisen sel te leenrechte ende dat sel men doen te middaghe ende buten ghebonden daghen of vierdaghen C.
2) in den naemiddage ende in gebondenen daghe ende in vrydaghen wie soe O. daghen an in vrydaghen A. wart begonnen over middage wel op die voerseide daghen ende na middaghe eynden C.
3) weyghert - pleghenen ontbreekt in O.
4) also dattet die een in ghewere heeft ende die ander eerfgedinghe daer an heeft, dat is te wetten dat hyt na des gheens doot nemt diet besyt of hy sonder erve sterft C.
5) dat die behalde dier geding an hevet O.
6) dat geding is te braecken ten sy O, soe is dat ghedinghe te niet het en sy dat hyt wedder ontfanghe diet gelaten heeft ende daerna sterven C.
7) ontfaet O.
8) moettet betughen mit degheen diet saghen of hoerden dattet hem gheleent wart C. die moet getugen mit genen diet sagen ende hoerden dat dat on gelyth si O.