De Saksenspiegel in Nederland

Van des mannes roemsche vaert. CCXIII. (4 § 2.)

So wanneer oec die duutschen enen coninc kiesen ende hi te Romen vaert te wiynghe⁷), so sijn sculdich ses vorsten mit hem te varen, die eerste in des rikes coren sijn. Die biscop van tryere, van mense ende van koelne³), die palensgreve op den rine, die hertoghe van zassen ende die mercgreve van brandenborch, dor datten paeusse wittelic si des conincs redelike core.⁹) Oec sal varen yewelic man mit sinen here, die des rikes goet te lene hevet, of hi sal die vaert lossenen mit dien tienden ponde dat hi iaerlics van hem hevet.¹⁰) Dese heervaert sal men oec ghebieden voer ses weken ende een iaer ende drie daghe eer die sameninghe.¹¹) Die heervaert leent ¹²) den duutsschen alse hi coninc ghewiet is.