De Saksenspiegel in Nederland

Van den selven. CCX. (2 § 6.)

Of een man volcomen an den heerscilde, van papen ende van wiven of van dier ene die des heerscildes niet en hevet beleent wert, dien lene ne mach hi niet volghen an enen anderen here, tensi dat een wijf of een pape des rikes goet bi core ontfa²) ende den heerscilt daerof hebbe, dat goet moghen si lyen ³) ende dien goede mach men volghen an enen anderen here. Borchleen⁴) ende kerkenleen ende alle die leen daer die man den rike ne ghenen dienst ne is sculdich of te doene, dat mach men lien papen ende wijf, al ne hebben si des heerscildes niet, ende dien mach men volghen an anderen heren. ⁵)