De Saksenspiegel in Nederland

Van weduwen recht. CCI. (III. 76 § 2.)

Neemt een man ene weduwe die eyghen of leen of lyftocht ⁴) of saen tins goet hevet ⁵), so wat hi mit syner ploech arbeyt in den goede, sterft syn wyf eert volzaeyt is, hi salt vol arbeiden ⁶) ende af sniden ende tins of pleghe sal hi daer of gheven op dien dat goet versterft. ⁷) Sterft oec die vrouwe nader saet also die eghede dat lant gheghangen hevet ⁸) die saet is hores mannes ende hine is niet sculdich daer of te gheldene pleghe noch tins⁹), daer si gheen tins ghelde sculdich of ne was.¹⁰) So wat oec tyns of pleghe in der vrouwen goede was, daer men hore of ghelden soude ¹¹), sterft si na den rechten tyns daghen ¹²), dat ghelt is des mannes verdiende goet alse des wyfs ¹³) soude wese, of si sonder man waer.