De Saksenspiegel in Nederland

Van dincgetale mit des conincs banne. CXCVIII. (III. 69.)

So waer men dinghet mit coninghes banne sal noch rechter noch scepene kappen aen hebben noch hoet noch hoedekyn noch huve noch hantscoen. ³) Mantele sellen si op die scoudere hebben⁴), sonder wapene sullen si syn. Ordel sullen si vinden vastende over yeweliken man, hi si duutsche of wendessche, of eyghen of vry.⁵) Daer ne sel niemen ordel vinden sonder si ⁶), sittende sullen si ordel vinden. Scelt een ordel een hore ghenoet ⁷) hi sel des bannes ⁹) bidden een ander te vindene. So sal die ghene opstaen, diet daer scalt, ende dese sal hem setten⁹) an sine stat ende vinden dat hem recht duncket ende tie daer mede daer hi doer recht sal ende behoudet of latet ¹⁰) mit rechte, als hier voer gheredent is.