De Saksenspiegel in Nederland

Van loeften. CLXXIIII. (III. 41.)

Jewelikes ³) ghevanghenen dat vethe ende love ne sal dor recht niet stede syn, dat hi lovet binnen vangenisse. Laet men oec hem ledich op sine trouwe riden te daghe, hi sal dor rechte weder comen ende sine trouwe ledighen. ⁴) Ghelt hi of wert hi sonder ghelt ledich, so welc oervede⁵) hi doet of lovet die sal hi dor recht leisten ⁶) ende anders ne ghene loefte die hi binnen ghevanghenissen lovede. ⁷) So wat die man zweret of in trouwen lovet syn lyf mede te verstene of syn ghesont ⁸), al ne mach hys niet leisten, ten scaet hem te sinen rechte niet. So waer men den man onghetruwelike vaet, laet men hem riden op sine trouwe of laet men hem zweren of in trouwen ander dinc gheloven hine derf niet leysten ⁹), mach hyt volbringhen op den heilighen dat hine onghetruwelike wt dien loefte ¹⁰) hebbe ghebrocht.