De Saksenspiegel in Nederland

Van goede an te spreken van hem tween. CLVI. (III. 21.)

Spreken twe man een goet an mit gheliker aensprake⁵) ende dat mit gheliken tughe⁶) bieden te houden, men salt onder hem delen.⁷) Desen tuuch sellen rechte ommezaten besceiden⁸) die in den dorpe of in den naesten dorpen ghezeten zijn. So wie die meerre menie te tughe hevet die behout dat goet, ende ne ist den ommezaten niet wittelyc ⁹) wiet in gheweren hebben ghehouden, so moet men wel mit enen water ordele ¹⁰) ende die claghere ende die daer¹¹) die claghe op gaet sellen daer toe zweren dat si rechte wisen alst hore si. ¹²) Daer sal die rechter sine boden toe gheven.¹³) So waer si beide toe zweren dat salmen hem ghelike delen.