De Saksenspiegel in Nederland

Van den selven ende ander dinc. CLIIII. (III. 18.)

So wie voer gherechte seghet dat hi hem uter vestinghen hebbe ghetoghen ⁵) ende volcoemt hijs niet mit ghetughen, mit den rechtere ende mit tween mannen, die clagher ne derf ne ghene vervestinghe meer op hem tughen.⁶) So wie oec onder coninghes banne wert vervest⁷), die behoeft twier scepene ende des rechters te tughe so wanneer hi hem wt tiet.⁸) Vrye lude ende des rikes dienstman die moeten voer den rike wel ghetuuch syn ende ordel vinden dor dat si den rike hulde doen, yewelyc na sinen rechte⁹), doch ne moet des rikes dienstman over den vryen scepenbaren man ¹⁰) noch ordel vinden noch tughe wesen, daert an syn lyf of an sine ere ga. ¹¹)