De Saksenspiegel in Nederland

Van denselven. CXLVIII. (III. 12.)

So welc man op den anderen ende die ghene weder op hem claghet, die eerst claghet dien heeft³) den anderen niet te antwoerdene, hine si van hem quyt. Claghen vele lude op enen man ongherechte, hine heeft den anderen niet te antwordene eer hi des eersten ledich is. Wert die claghe vervest, hine derf niet borghen setten dan voer syn weerghelt⁴), al si der claghen vele.⁵) Wert een man voer gherechte om ongherechte beclaghet daer hi niet toe antwoerden en is ⁶), ende wert hem voer ghededinghet binnen den dedinghe, coemt hem ⁷) die clagher an hi moeten wel bestedighen te rechte ende sculdighen ⁸) also lange, want hi borghen sette te comene⁹), want die rechter werct vrede den ghenen die daer claghet ende niet denghenen dien men an sine ieghenwoerde vore ladet. ¹⁰)