De Saksenspiegel in Nederland

Van vruchtbaren vrouwen ende ander dinc. CXLI. (III. 3.)

Men sel over negheen wyf die levende kynt draget rechten hogher dan te hwt ende te hare.²) Over rechten doren³) ende over sinnelosen man ne sal men oec niet rechten. So wien si oec scaden hore mombaer salt ghelden. So wie weder eysschet dat hi wech⁴) ghegheven hevet of vercoft hevet an varender have, ende missaket hi die ghifte of copinghe⁵), die ghene die se onder hevet moetse selve mit hem derden diet saghen wel behouden. ⁶) So wie copinghe liet ⁷) die sal dor rechte ghewere wesen des hi vercoft hevet, want hi is dief of diefs ghenoet die der copinghe gheliet ⁸) ende der were missaket, hine heb se wt ghesceiden mit ghetughe doe hise vercofte. ⁹)