De Saksenspiegel in Nederland

Nota van den vrede. ⁸) CXXXV. (II. 66.)

Nu verneemt al den vrede dien die keyserlike ghewout ghestedighet hevet dien lande te zassen mit der goeder knechte wilcore van den lande. ⁹) Alle daghe ende alle tyt sellen hebben

[p. 76]

tekstkritische noten

vrede papen ende gheestelike lude, magheden ende wyf ende ioden ¹) an horen live ende an horen goede, kercken ende kerchove ende yewelys dorp binnen synre groeve²) ende sinen tune, ploeghe ende molen ende des conincs straten in watere ende in velde ³), die sellen stede vrede hebben ende allet dat daer binnen coemt. ⁴) Heilighe daghe ende ghebonden daghe die syn allen luden te vrede daghen gheset, daertoe in yeweliken weken⁵) vier daghe, dat is die donredach ende vridach, saterdach ende sonnendach. Des donredaghes wiet men den kersemen ⁶) daer men ons allen mede teykenet tot der kerstenheyt in der dope. Des donredaghes doe meerede God mit sinen iongheren inden kelke, daer began onse ewe.⁷) Des donredaghes voerde God onse menscheyt te hemele ende opende ons den wech daer henen die ons eer besloten was. Des vridaghes makede God den man ende wert des vrydaghes ghemartelyt dor den man. ⁸) Des saterdaghes gheruwede hi ⁹) doe hi hemel ende eerde ghemaect hadde ende allet dat daer in was, hi gheruwede oec ¹⁰) des saterdaghes in den grave na synre martelien. Des saterdaghes wiet men oec die papen ¹¹) te Gods dienste, die der kerstenheyt meyster syn. Des saterdaghes werde wi besout van adaems misdaet.¹²) Die sonnendach was die eerste dach ye ghewert ¹³) ende wert die leste als wi opverstaen sellen van der doot ende sellen varen te ghenade ¹⁴) mit live ende mit ziele, diet weder Gode verdient hebben. Daer omme syn dese vier daghe ghemene vrede daghe allen luden gheset, sonder dien die in der hanthaften daet ghevanghen werden of in des rikes achten syn of vervest in den gherechte. ¹⁵)

1) maechden ende vrouwen ende ioden C. magede ende ioden O.
2) grave O. graven inde tuyn C.
3) te water en te lande C.
4) is of coemt C.
5) toe igeliker weke O. in elker weken C.
6) den kresamme O.
7) Des donresdaghes to avont at God mit sinen jongeren sin avontmael ende doe begande ons ewe O. des donredaghes at God mit synen iongheren daer began onse wyt C.
8) gemarteliet doer die menschen wille O. ghepassyt doer den man C.
9) doe nam hy rust C. doe roeste he O.
10) he geroste oick O. hy lach oeck des saterdaghes in den grave nae synre passien C.
11) die priestere O.
12) wart beswout van adams misdaet O.
13) ierste dach inde die tgenwort ende wart die leste als O. eersten dach ende sel oec den lesten dach wesen C.
14) mit ziele ende mit lyve ten hemel varen C.
15) in des keysers achte syn of in enen gherechten tuytlaghe gheleit syn C.