De Saksenspiegel in Nederland

Van eens anderen mans lande te eren. CXXI. (II. 46.)

So wie eret enes anders mannes lant onwetende ⁸) of dat hem een ander ghedaen hevet ⁹), wert hi daer omme besculdighet die wile hyt eret, sinen arbeyt verlieset hi daer an oft die ghene behelt ¹⁰). So wiet hem oec ghedaen hevet die sal hem versetten ¹¹) sinen scaden. So wie dat lant saeyet onder der claghen ¹²) die verliest sinen arbeit ende syn zaet daer an. So wat so hi saeyt ongheclaghet daer of behout hi dat saet ende ghevet sinen tins den ghenen die dat lant behout ¹³). So wie bezaeyet lant enes anders mannes of eert hi sal den scade ghelden op recht ende sine boete gheven.