De Saksenspiegel in Nederland

Die vader mach antworden voer den sone. XCVI. (II. 17.)

Die sone ne antwoerdet ⁵) voer dien vader niet, so wanneer hi sterft ⁶), so wat hi onrechtes hevet ghedaen. Die vader moet den sone wel wt nemen of hi om onrecht beclaghet wert, die wile hi van hem niet ⁷) ghezondert en is ⁸) also dat hi zwere op ten heylighen dat die sone der daet onsculdich si. Wert oec beide die vader ende die sone beclaghet om ene daet, dier ne mach ⁹) die vader den sone niet ofnemen, hine hebbe hem selven alre eerst ontredet, Die vader mach den sone wel sonderen ¹⁰) van hem voer gherechte mit yeweliken goede ¹¹), dat die sone annemen wil, so hoe clene et si. Die here moet oec wel wtnemen sinen eyghenen man, so wanneer hi verdeilt is ¹²), of hi dat ghezwere daer op den heylighen, dat hi syn ingheboren eyghen si ende dat hi der daet onsculdich si daer hi mede beclaghet is.