De Saksenspiegel in Nederland

Van boeten ende van beteringe. XCIIII. (II. 16. § 3.)

So welc man hevet boeten na synre boert ⁹) hine hebse verwracht. So wanneer die boedel ¹⁰) dien rechter weddet dor dat hine an sinen rechte versumet hebbe, so weddet hi des conincs malder ¹¹) twee ende dertich slaghe ¹²) mit eenre groenen eykenre ¹³) roede, die twier dumalen ¹⁴) lanc si. Den mont, nase ende oghen, tonghe ende oren ende des mannes ghemechte ende hande ende voete der yewelyc, werde men ghelemmet ¹⁵) daer ane men sal hem beteren mit enen halven wederghelde, yewelic vingher ende tee hevet sonderlinge boete nadien dat hem inden wereghelde boerede ¹⁶) syn tegede deel ¹⁷).