De Saksenspiegel in Nederland

Van den selven. LXXXVIII. (II. 12. § 11.)

So wie ordel bescelt die spreke aldus: Dat ordel dat die man ghevonden hevet dat is onrecht ³). Dat bescelde ic ende tie des daer, daer ics doer recht tien sal ⁴), ende bidde daer omme eens rechten ordels waer ics doer recht tien sal ⁵). Scelt die zwaf des zassen ordel of die zasse des zwaven ordel, dat moeten si voer die ⁶) coninghe besceiden als hier voer ghezeit is. Staende sel men ordel scelden. Sittende vinden onder conincs banne mallyc, op sinen stoele. Die oec daer ten bancken niet ne syn gheboren ⁷) die sellen des stoels bidden mit ordel een ander te vindene; so sal hem den stoel rumen dieghene die eerst dat ordel vant ⁸). So welc ordel die ghene vint dat biede hi te behoudene ⁹) mit sinen rechte, ende ties daer hi doer recht tien sal ende bidde daer toe boden ¹⁰). Om een beroepen ordel ne salmen ne ghene volboert vraghen ¹¹).