De Saksenspiegel in Nederland

Van ghewedde ende van scout. LXXX. (II. 5.)

So wie eyghens ⁴) also vele hevet dat beter is dan sijn wederghelt, die ne derf ghenen borghen setten binnen dien gherechte of men hem onrechtes ⁵) beclaghet. Over viertien nacht selmen scout ghelden die men voer gherechte wint. Ghewedde over ses weken. Boete niet ⁶) ghewedde over viertien nacht. Wint oec die man sine boete eer den ghewedde ⁷) men salt leysten over ses weken ende tghewedde over viertien nacht daerna ⁸). Tot desgheens huse salment ghelden dien ment sculdich is ⁹) bi sonnen schyn, of hi huus binnen dien gherechte hevet, of tot des rechters naesten huse, is dat dieghene daer onghehuset is. So wie sine rechte boete voersprect ¹⁰) voer gherechte die ne hevet ne ghene boete meer. Alle vergouden scout sel die man selve mit hem derden diet saghen ende hoerden volbrenghen op den heylighen ¹¹).