De Saksenspiegel in Nederland

Van claghen ende van panden ⁹). LXXV. (I. 67.)

So wien men voer gherechte beclaghet, ne is hi daer niet, men sellen daghen totten ¹⁰) naesten dinghe. So wien men oec verclaghet om ongherechte dien sal men daghen over viertien nacht. Claghet men ongherecht over enen vrien scepenbaren ¹¹) man, dien sal men daghen driewerf, emmer over ses weken, onder coninghes banne ende te rechter dincstat. So wie niet voer en coemt tot den derden dinghe dien vervest men ¹²). Om anders ne ghene claghe sel men den man vervesten ¹³) sonder die hem ant lyf of an die hant gaet. Hevet hi oec gheclaghet op een goet te drien dingen men sellen daer in wisen ende

[p. 43]

tekstkritische noten

men sal hem des gheweldighen ¹). Daer ne moeten nieman wt wisen hine doet mitter rechter claghe ²). Claghet men oec omme scout over dien die daer niet dincplichtich noch daer te antwoerden niet en is ³), men sal hem ghebieden van gherichtes halven dat hyt ghelde over viertien nacht of die scout ⁴) mit rechte ontrede. Ne doet hi des niet men sel hem daer vore panden ende dat pant selmen te borghe doen drie werf, emmer over viertien nacht, of mens te borghe gheert ⁵), ne ghere mens niet men selt doen houden ses weken onverdaen. Ne ontredet die ghene die scout daer binnen niet, daer na ne mach hys hem niet ontreden, ten si dat hem beneme rechte noet, so selmen dat pant voer die scout wtsetten of vercopen ⁶). Ist dat ment daer vore vercoept ende loepter yet over ⁷), dat selmen denghenen weder gheven. Ontberst ⁸) daer yet an men selt oec panden also langhe want die ghene syn ghelt wederghewonnen hevet ⁹).

1) men sal on daer in wisen ende men sal an des geweldighen O. men sal hem des gheweldighen W. in wysen ende dat becraftighen C.
2) wtsetten mach hy wynnen hem mit recht af C.
3) te antworden en is, men sal on O. niet ter antworde en coemt C.
4) of hi die scout O.
5) of mens begheert, went niet men salt onverdaen houden C.
6) ende vercopent O.
7) loept daer yet over O. wat daerover is C.
8) of daer an ghebreecht, dat sal voert wtghepant worden tot der tyt dat die clagher dat syn heeft C. Brect daer iet O. ontbreekt daer W.
9) syn gewonnen gelt weder hevet W. hent die gene syn gewonnen gelt weder heet O.
10) dit gheruchte W. dat geruchte O.
11) beudele W. bondele O. boedel C.
12) heeft hi dese clage des eersten daghes als die richter weder in syn gericht compt. O. thuus coemt C.
13) soe leyt men tot wtlaghe C.