Van denselven. LXIII. (I. 59. § 2.)
En mach gheen rechter recht dinc hebben sonder sinen sculteten 1) voer dien hi hem te rechte bieden sal, daer omme sal hi den sculteten des eersten ordels 2) vraghen oft dinc tyt si, ende daerna of hi verbieden moete dincslite of onlust 3). So wanneer hem dat ghevonden wert 4) so claghe mallyc dat hem werre mit voerspraken 5) dor dat si hem niet en verzumen. Sonder voersprake moet een man wel claghen ende antworden of hi hem den scade troesten wil die hem daer of beieghenen 6) mach of hi unspreect 7) des hi hem niet verhalen en mach, also hi syns voerspraken woert wel moet, die wile hi an syn woert niet gheliet en hevet.
Auteursrecht onbekend