De Saksenspiegel in Nederland

Van momberscap in claghen. LI. (I. 48).

Alle die onecht gheboren syn of hem rechteloos ghemaket hebben ⁵) die en moghen en ghenen mombaer hebben an hore claghe noch an horen campe. Lame lude sellen oec antworden ende claghen sonder momber, ten si dat die claghe te campe ga, doer si hore mombaer hore evenbordighe zweertmaech, so wie hi si, diet doen wil. Ne mach die lame man, of men hem te campe groet ⁶) sinen rechten mombaer niet hebben ⁷) ende daer hi daer syn recht toe doen ⁸), hi wint te momber so wien dat voer hem doen wil of wien hi mit penninghen ghemiden mach ⁹) al mach men sinen rechten momber wel bewisen. Weret hi hem oec mit kampen wel bereden ¹⁰) ende en scadet hem te sinen rechte niet. Also moet men den doden oec wel weren, of men bereden wil.