De Saksenspiegel in Nederland

Van den verdienden lone. XXIII. (I. 22. § 2.)

Van den erve selmen ghelden den inghesinde alre eerst hoer verdiende loen, alse hem gheboerde op dien dach doe ⁵) hore here sterf, ende men salse houden an den dertichsten dach dat si hem te bet moghen bestaden ⁶). Wil oec die erfname si sellen voldienen ende vol loen ontfaen. Is oec enen te veel loens ghegheven, des en derf hi niet wedergheven. Besaket men oec hoers loens hem van enen iare of van enen halven, dat moeten si wel opden heilighen behouden ⁷). So wie op ghenade ghedient heeft⁸) die moet den erfnamen ghenade manen. Sterft die ghenade den man eer hi syn loen verdient heeft dat hem ghelovet was ⁹), men is sinen erfnamen niet meer lones sculdich te gheven dan alse hi verdient hadde ende hem gheboerde tot dier tyt doe hi sterf. Daer na moet die vrouwe ieghen den erfnamen mosdelen alle die ghehoefde spise, die over bleef nadien dertichsten daghe in yeweliken hove hoers mans ¹⁰).