De Saksenspiegel in Nederland

Van der zuster kint. XI. (I. 5. § 2.)

Die dochter, die in den huse is onbestaet, die en deelt sam niet hare moeder rathe mitter dochter die gheradet is ⁶). So wat so oec erves an hore besterft dat moet si mitter dochter ⁷) delen. Een wijf mach mit oncuusscheyt hores lives hore wijflike ere, ⁸) crencken, hore recht en verliest si niet daer mede noch hore erve. Die pape neemt ghelike deel der suster inder moeder rathe, ende ghelike deel den broederen an eyghen ende an erve. So waar oec die vrouwe en ghenen broeder en heeft, dan enen pape, si neemt ieghen hem ghelike deel in den erve als in den rathen.