De Saksenspiegel in Nederland

Van zibbichheden. VIII. (I. 3. § 3).

Nu merket hoe ende waer oec die sibbe beghint ende waer si endet ⁵). In den hoefde is besceyden man ende wijf toe staende die eerelyc ⁶) ende rechtelyc to zamen comen zijn ⁷). In des halses lede die kynder, die sonder twyinghe van vader ende van moeder gheboren sijn; is daer twyinghe an so en moghen si anden ⁸) lede niet bestaen ende striken voert an een ander ⁹). Onghetwiet broeder kynt dat staet in dien lede ¹⁰) daer scouder ende erme te samen comen gaen ¹¹), also doet der zuster kynt. Die is die eerste sibbe-tale die men to maghen ¹²) rekenet, brueder kynt ende suster kynt. In den elleboghe staet die ander. In der hand die driede. In den eersten lede des middelsten vinghers die vierde, - in den anderen lede die vijfte, - in den derden lede die seste, - anden sevenden staet een naghel ende niet een let. Daerom latet daer die sibbe ende heten naghelmaghe ¹³). Die tusschen den naghel ende tusschen den hoefde hem totter sibben gherekenen moghen an ¹⁴) gheliker

[p. 16]

tekstkritische noten

stat, die nemen dat erve ghelike. Ende die hem naest wtten sibben gherekenen ¹) mach, die nemet dat erve to voren.

1) gekomen O.
2) oerres igelick des anders erve off si C.
3) een wijf O.B.
4) ghelyc den oem in syns vaders stat C.
5) dat hoer kint van den oudevader of oudemoeder neemt ghelijc sijn moeij, C.
6) die neemt des moeders rade onbedeelt van den bestaeden dochter C.
7) suster C.
8) wyflye ere B.
9) verliesen of mynderen C.