Roeping. Jaargang 2

[p. 250]

Et ritme van oos hart
(In dialekt van Hoensbroek)

God is 'ne feste Sjmieëd en Boewer:
in et haol¹⁾ va Zien Henj is oos hart gegaote
tot fiene mentáor²⁾ mit subtiel mekanisme,
in et hoeëgtie va Zien béste augeblik
gevield en gemónteerd.
En zoeë wie alle dink de mirk drieëgt va zien waeërd:
et eikeblaad de zuverheid van et goud kaveert,³⁾
zoeë sjteit dr sjtemp va God
gesjlagen in oos hart
i vuer zien echtheid:⁴⁾
de bliedsjap óm wat sjoeën,⁵⁾
va God,
dus God is,
garandeert de waeërd van oos hart:
Dr mentaór van oos hart
mót et ritme sjlao,
dr dans en de rol van et sjtoltse ritme,
woe dr Hozanna op golft
en drieft dr Glaoria
óm al wat sjoeën,
va God,
dus God is.....
Ziene sjlaag is weersjlaag
va wie God ós truft doeër de sjoeënheid va Zie Waeëze,
Weersjlaag
wie dr zieëbrand⁶⁾ van dr blits
en va 'ne reup dr sjall tössje de huëvele.

Oirschot 22 Sept. '23.

W.P.

1) holte;

2) motor;

3) waarborgt;

4) staat in voor z'n echtheid;

5) de blijdschap om wat schoon, van God, dus God is;

6) weerlicht.