Print Het Roelantslied(1981)–anoniem Roelantslied Vorige Volgende [p. 331] VbA Die teghen gode hadde ghewrocht Wij hebben recht ende si onrecht God salt scheyden coenlijcken vecht 485 400 Die grote sarazijnsche hertoghe franseroen Ten leefde gheen wreeder sarragoen Hi hadde den rouwe groot Dat hi sinen neue sach ligghen doot 490 Waerom dat hi hem verrechtede schier 405 Op den voersienighen ridder oliuier 495 Hi was een sarazijn wel gheacht Ende een man van groter cracht [C6R] Seer luyde riep hi sijn teykijn Ende seyde dat hi ghewroken soude sijn 500 505 410 Maer hem gheuiel die crancke auontuere Want oliuier stack hem den helsberch duere. Soe dat hi doot viel ter aerden neder Ende en conde niet op ghestaen weder 510 Doen sprack die ridder oliuier 415 Wij achten seer cleyne v dreyghen hier God sal onser hope ick ghewouden. Dat wij van desen strijt victorie sullen behouden Edel kersten riep oliuier vecht nv met sinnen 515 Wij sullen hier dit velt ghewinnen 420 Coursabel die wreede sarazijnsche coninck Dat is een waerachtich dinck Hi was van barbarien gheboren Hi quam met hooghen moede ghereden voren. 520 Vorige Volgende